كنت في أواخر الشتا قبل اللي فات
أنا محمد شاكر، مش اليسا علشان محدش يتلخبط
الشبه مش كبير أوي كده يعني
فيه فرووووووووقات كتيررررررررر
المهم نرجع للشتا قبل اللي فات
كنت قاعد في مكتب المحاماة
على الكرسي أبو ظهر كبير ده
ومدي ظهري للمكتب وقاعد باصص ناحية الشباك الازاز الكبير اللي بيطل على شوارع وسط البلد
كنت لابس كاجوال، الوحيد اللى كنت بلبس كاجوال
وده كان بيضايق ناس كتير
كنت لابس سويت شيرت بزعبوط
وحاطط الزعبوط فوق راسي
ولابس جاكت كمان
كنت قاعد والراديو شغال وكانت أول مرة أسمع أغنية أواخر الشتا لاليسا
كان الألبوم لسه جديد
الاغنية عجبتني ،، بس ده مش موضوعنا
انا مش بكتب النوت علشان أقول ان الأغنية عجبتني
دلوقتي عدى تقريباً سنتين على الموقف ده
سنتين كاملتين، عملت فيهم حاجات مكنتش أتوقع اني أعملها في الوقت القصير ده
في الوقت ده مكنتش لسه محدد انا عايز اعمل ايه في حياتي
أو أعمل ايه بحياتي
كنت واحد قاعد مستني أي فرصة تجيله
كنت بقول ان عندي مهارات وامكانيات كتير
بس مكنتش بستغل منها أي حاجة
كنت بقول اني بعرف أكتب
وكويس في الكمبيوتر
وبعرف امثل
وليا تفكيري الخاص
كانت كلها أفكار في دماغي، لان ساعتها مكنش فيه أي حاجة تقريباً اتحطت في الفعل
وظهرت في حيز الوجود
سنتين عدوا
واللي خلاني أكتب النوت ده اني لقيت كليب أواخر الشتا على الوول في الفيس بوك
أول ماجيت أتفرج عليه، افتكرت كل حاجة
وابتسمت
ممكن انتوا كمان تبتسموا
بس المهم ان الابتسامة دي ماتكونش ابتسامة من جوه بس
حطوها في الفعل وخلوها تبان على وشكوا
وتخلوا أواخر الشتا، بداية جديدة لحياتكوا
اتمنى
وأتمنى كمان تدعولي بالتوفيق في حياتي الدنيا وما بعدها
محمد شاكر
هناك تعليقان (2):
كلام معبرواستمتعت وانااقرأالكلمات ربمامرت علي العديد من الافكار ولكن وهانحن في فصل الصيف اقول انتهى شتاء الاحزان وابتداء فصل حار لكن حرارتة ستكون لطيفة كلطف الافكارالتي تعيش بداخلنا اشكرك ايها المبدع
انت عسل مصفى ربي يوفقك
محلاك ومحلى مدونتك
----------
كن ماتشاء..
ابونايف-الرياض
إرسال تعليق