جدول مذاكرة

جدول مذاكرة

 



**امتحان أول ماده لسه فاضل عليه 10 أيام

 
يـادوب اقسم المادة والحق أذاكرها

 
اللى بيحصل**

بس الأول اتفـرج على فيلم واحد بس على الدش وابدأ أذاكر
على طول
النتيجة**
أول يوم ضاع


فاضل 9 ايام**
امبـارح ضاع بس أيه يعني لسه 9 ايام بحالهم أكيد هخلص
المادة ويمكن أجيب فيها امتياز كمان
اللى بيحصل**
امبارح نمت متأخر وصحيت بدري وقريت 3 ورقات انام شوية وأكمل ،، اصحى اتفرج على مسلسلين على 3 أفلام
النتيجة**
وآدي تاني يوم ضاع


لسه 8 ايام**

كده تمام لسه 8 أيام والمادة 80 صفحة يعني يادوب كل
يوم 10 صفحات
اللي بيحصل**
أصحابي عدوا عليا نزلت وقفت معاهم شوية ويادوب طلعت بدري
بس كنت تعبان نمت على طول
النتيجة**
يوم تاني ضاع

باقي 7 ايام**
إيه ده أسبوع بس دا أنا لازم امسك المادة أخلصها كلها
واحنا لسه فيها
اللى بيحصل **
بدأت الصبح وذاكرت بجد بتاع 7 ورقات كده بس اتغديت
والأكل كبس عليا قلت أنام وأكمل بالليل
وبالليل كان فيه حتة برنامج كوميدي جامد جدا ما قدرتش
أقاومه
النتيجة**
يوم زي اللى قبله

هانت كلها 6 ايام**
يعني ممكن اقسم الماده كل يوم بتاع 14 او 15 صفحة
وأخلصها بسرعة ومش لازم امتياز يعني جيد جدا كويس أوي
اللي بيحصل**
ذاكرت نص ساعة بحالها كفاية قوي كده ما أنا خلصت 12 ورقة اهو
النتيجة**
طبعا عارفينها

باقي من الزمن 5 ايام**
ياسلام كده يعني كل يوم 20 ورقة وآخر يوم مراجعة عامة دا أنا عبقري
اللى بيحصل**
قريت 20 ورقة بالعافية وبعدين هو انا هفضل أذاكر طول
اليوم ،، عايز اعمل شات على النت شوية
النتيجة**
اهو يوم وعدى



فاضل 4 ايام**
كل اللى قريته مش فاكر منه حاجة يبقى نبدأ كل يوم 20
ورقة ومش لازم نراجع
اللى بيحصل**
النهارده جت شوية أفلام أكشن على الدش فضلت طول النهار
أتفرج عليها
النتيجة**
مش لازم أقولها يعني

كلها 3 ايام**
نظام 20 ورقة كل يوم ده ماينفعش أنا هذاكر نص الملزمة
النهارده
اللى بيحصل**
بعد 20 كوباية شاي و 16 فنجان قهوة ذاكرت 27 ورقة الصبح
في ساعة كده بس هو أنا هفضل طول اليوم أذاكر ولا إيه
كفايه كده النهارده وكفاية عليا أجيب 12 من 20
النتيجة**
بدأت أذاكر اهو


فاضل بكرة بس وبعده**
يومين بحالهم يعني أكمل بقيت المادة النهارده وبكره
أراجع
اللى بيحصل**
ميدو .. ميدو احنا نازلين المول جاي ولا لأ
طبعا ماينفعش أقول لأصحابي لأ ليفتكروني دحيح ويحسدوني
النتيجة**
اللى بنيناه اتهد


النهارده اخر يوم**
يعني لازم انتحــر مــذاكرة اقلها أذاكــر 12 ســـاعـــة ده أنا
امتحاني بكرة يا عالم
اللى بيحصل**
الحماس بيخليني اذاكر ساعتين تمام بس اعمل ايه في الصداع
مش قادر أكمل أنام واصحى الفجر أذاكر و10 درجات كفاية
أوي
**النتيجة
ربنا يستر




فاضل ساعتين**
الحق وانا رايح الامتحان أقرا باقي الورق اللى ما لحقتش
أقراه و يادوب أجيب 8 وآخد درجات رأفة
اللي بيحصل**
البنت دي لابسه لبس جامد أوي هو الراجل ده بيبصلي كده
ليه؟ عمرهم ما شافوا حد بيذاكر قبل كده
النتيجة**
الامتحان بدأ و أنا لسه ما كملتش نص الملزمة

،،،، والعزاء يوم ظهور النتيجة



نشرت بجريدة عين
2006


محمد  شاكر
كاتب ومحاضر ومدرب في مجال التنمية والتطوير الذاتي

خمس خطوات لتحقيق هدفك، د/ طارق السويدان

خمس خطوات لتحقيق أي هدف تريده

بقلم : د. طارق السويدان

دائما نضع أهداف نريد تحقيقها لكن يا ترى لماذا لا نحققها دائما؟
إن هناك مواصفات أساسية لابد أن تتوفر للهدف الذي نضعه تساعد على تحقيق أهدافنا بيسر و سهوله.

توجد عدة طرق لوضع مواصفات الأهداف أحد هذه الطرق تسمى SMART و هي طريقة مستخدمة في علم الإدارة. ما سنتكلم عنه هو طريقة أخرى لكن تنطلق من وجهة نظر الـــ NLP و تسمى هذه الطريقة POSEE . هذه اللفظه عبارة عن إختصار لخمس كلمات هي:

أواخر الشتا قبل اللي فات

كنت في أواخر الشتا قبل اللي فات

أنا محمد شاكر، مش اليسا علشان محدش يتلخبط
الشبه مش كبير أوي كده يعني
فيه فرووووووووقات كتيررررررررر

المهم نرجع للشتا قبل اللي فات

ارسم حياتك

ارسم حياتك 

قد يكون العنوان ملفتاً للانتباه قليلاً

وقد تتباين وجاهت النظر وتختلف تجاه تفسير العنوان، فهناك من سيرى أنه يستطيع أن يرسم حلمه، وآخرون يقولون أن الظروف تمنعهم من رسم حياتهم ، وفريق ثالث يؤكد أنه من الأسهل أن يرسم الآخرون له حياته.

والفارق كبير بين كل وجهة نظر، لكننا هنا لن نتحدث عن اختلاف وجهات النظر، بقدر ما سنتحدث عن كيفية رسم حياتك بنفسك